Mastodon.eus-en seigarren urtemuga ospatzeko zozketa antolatu du Joxe Rojasek. Parte hartzeko bi gauza egin behar dira. Batetik, bere bi kontuak jarraitu behar dira: Mastodon.eus-eko @joxe@mastodon.eus eta bere blogaren @teknopata@teknopata.eus kontua. Bai, Mastodonetik WordPress-eko blogak jarraitu daitezke ;). Bigarrenik, urteurrenarekin lotutako bertso bat idatzi behar da Mastodonen, #bertsodon traolarekin. Irabazleak Mastodonen pegata eta pin batzuk irabaziko ditu. Parte hartzeko azken eguna azaroaren 30a da. Zozketa bera abenduaren 3an egingo du.