ChatGPT Internetetik hartutako edukiekin entrenatua dago. Horien artean eduki sexistak, arrazistak eta bortxazkoak daude, eta jakina den bezala zer ikusi hura ikasi. Ondorioz, ChatGPTek ere modu horretako erantzun toxikoak emateko joera dauka. Time aldizkariaren ikerketa baten arabera ChatGPTren jabea den OpenAIk orduko 2 dolar baino gutxiago ordaindu zizkien eduki desegokiak etiketatuz tresnaren toxikotasuna gutxiagotzeko lanean aritu ziren Kenyako langileei.