Hizkuntza zeltikoetako wikipediek antolatzen duten Celtic Knot konferentzia ospatu dute irailaren 25etik 27ra Irlandan. Euskaldunak berez ez gara talde horretakoak, baina hizkuntza gutxituen enfoke global batekin egiten dutenez bertan izan da Luistxo Fernandez, Euskal Wikilarien Kultur Elkartearen izenean. Izandako esperientziatik atera duen oharren bilduma argitaratu du Sustatun, besteak beste datorren Euskaraldian Mastodon.eus bezalako arnasgune digitalez egin beharreko hausnarketaz.