Dabid Martinezek Etzi.pm-ko artikuluan aipatzen duen bezala The Guardian-ek (herenegun) eta La Vanguardia-k (atzo) X-n edukiak argitaratzeari utziko diotela iragarri dute, desinformazioaren arazoa gero eta handiagoa delako eta plataforma horretan ez dagoelako moderaziorik. Gaur Goiena-k ere erabaki bera hartu du. X uzteaz gain, hedabideek Fedibertsoarekin bat egiteko garaia dela arrazoitzen du software librearen aldeko aktibistak. Euskaldunek aukeran dute esaterako mastodon.eus komunitatea.