Easo Politeknikoa erreferentziazko zentroa da Euskadiko Lanbide Heziketan. Gizartearen eta ekoizpen ingurunearen beharrei erantzunez, etengabeko garapena izan du bere sorreratik. 26 hezkuntza-ziklo eskainiz eta urtean 1.500 ikasle baino gehiago heziz, eskaintza osoa web orri berri batean islatu nahi izan zuten. Horrela, proiektu osatu bat proposatu ziguten, hainbat lan-ildo eta eskalagarria izateko aukerarekin.
Atari berriaren helburu nagusia erabiltzaileei informazioa argiago, azkarrago eta modu intuitiboagoan eskaintzea izan da. Diseinu eguneratuarekin batera, edukiaren egitura berrantolatu dugu, ikasketen eskaintza, proiektuak eta ikastetxearen egunerokoa errazago aurkitu ahal izateko. Webgune berriak nabigazio erosoagoa, egitura argiagoa eta gailu guztietara egokitutako esperientzia eskaintzen ditu.
