2019ko Espainiako 244/2019 Errege Dekretuak energia elektrikoaren autokontsumoa arautzen du. Lege horrek autokontsumoa onartzen du, elektrizitatea sortzen den lekutik 500 metro baino gutxiagora dauden eraikinetan.

Tokiko energia-erkidegoak bazkide-talde batek (pertsona fisikoak, elkarteak, tokiko erakundeak…) energia berriztagarrien autokontsumorako sortutako erakunde kooperatiboak dira.

Urrotz

2020ko azaroan Nafarroako Urrotz udalerrian 90 eguzki plaka jarri zituzten eta autokontsumorako energia komunitate bat sortu zuten udalak eta ehun herritar baino gehiagok.

Espartza

2020ko abenduan Nafarroako Espartza kontzejuko frontoiaren teilatuan instalazio fotovoltaiko bat jarri eta energia-komunitate bat sortu zuten kontzejuak eta parte hartu nahi izan zuten herritar eta enpresek, herrian bertan sortutako elektrizitate %100 berriztagarria kontsumitzeko.

Lasierra

Arabako Erriberagoitia udalerriko Lasierra kontzejuan EAEko lehen tokiko energia-erkidegoa sortu dute. Herri txiki honetan jarri dituzten eguzki plaken bidez aseko dituzte bertako herritarrek beren elektrizitate beharrak. Lurpetik ura atera eta inguruko herrietara eramateko punpak ere eguzki indarrez funtzionatuko du.

Informazio gehiagorako:

• Urrotz
  • Nueva Comunidad Energética Local impulsada por el Ayuntamiento de Urroz Villa – Comunidades energéticas
  • Urroz-Villa desarrolla y pone en marcha su comunidad energética – Diario de noticias de Navarra
  • Suministramos la luz al pueblo de Urroz Villa – Emasp
• Espartza
  • Comunidad Energética de Esparza
  • La comunidad energética de Esparza ha comenzado a autoconsumir su propia energía 100% renovable – Comunidades energéticas
• Lasierra
  • Euskadiko lehen tokiko Energia-Erkidegoa Araban egongo da – Comunidades energéticas
  • A todo gas podcasta 2020. 12. 2 – Hala Bedi irratia