Izarkom Eskolaren hirugarren saioan “Euskararen ingurune digitala” aztertuko dute hainbat aditurekin: Iñigo Arandia (Pantailak euskaraz), Lorea Arakistain (Puntu.eus), Marko Txopitea (Librezale) eta Julen Azpitarte (Azkue fundazioa). Solasaldia Izarkomen Bilboko Nodoan izango da (Goienkale, 14) martxoaren 20an 19:00etan. Doan da, baina izena eman behar da presentzialki (plaza mugatuak) zein streaming bidez jarraitzeko.