Hemezortzi lanuzte eta greba egun deitu zituen LAB sindikatuak Amazonen Trapagarango lan zentroan, hitzarmen berria negoziatzeko. Sindikatuak maiatzaren 14an Bilbon egin duen prentsaurrekoan jakinarazi du multinazionalak langileei banaka-banaka “presioa” egin diela, eta aldi baterako langileak kontratatu dituela grebalarien zuloa betetzeko. Horrez gain, LABen arabera, zigor mehatxuak ere egin ditu Amazonek, grebetan parte hartzeak “ondorioak” dituela esaten dabilelako.