Miloi bana eman dute Donald Trumpen kargu-hartze ekitaldirako hiru erraldoi teknologiko estatubatuarrek: Instagram, Facebook eta Whatsapp-en jabe den Metak, ChatGPT-ren atzean dagoen OpenAI-k, eta Amazonek. Metako nagusi den Mark Zuckerberg dagoeneko bildu da Trumpekin, eta Amazoneko buru Jeff Bezos-ek gauza bera egingo du hurrengo astean. OpenAI-ko Sam Altman-en esanetan “Trumpek adimen artifizialaren urrezko arora eramango du herrialdea, eta AEBek lidergoari eutsiko diotela ziurtatzeko haren ahaleginak babesteko gogoa dut”.