TicketBAI sistema indarrean sartu zenean — Euskal Autonomia Erkidegoko Foru Ogasunen baterako ekimena, eragiketa ekonomikoen kontrol fiskala eta trazabilitatea bermatzeko —, gure bezeroetako batek araudi hori betetzeko beharra planteatu zigun, egungo fakturazio-tresna alde batera utzi gabe. Helburua argia zen: TicketBAI sisteman fakturak sortzea automatizatzea ordainketa bat erregistratzen zen bakoitzean, zereginak bikoiztu gabe eta ohiko lan-fluxua aldatu gabe.
Behar horri erantzuteko, bi plataformen arteko zubi gisa jarduten duen API pertsonalizatua garatu dugu, datuen sinkronizazio automatikoa ahalbidetuz. Konponbide horrek, araudia betetzea bermatzeaz gain, abantailak ere ematen ditu, hala nola eskuzko akatsak murriztea, denbora aurreztea eta eragiketen trazabilitatea hobetzea.
Zer eskaintzen du APIak?
- Automatizazioa eta denbora aurreztea
Ordainketa edo salmenta bat egon bezain laster, faktura automatikoki sortu eta TicketBAI sistemara bidaltzen da, eragiketen bikoizketa eta eskuz egindako lana desagerraraziz. - Araudi betetzearen ziurtasuna
Sistema propioak TicketBAI araudi teknikora egokitzen dira: fakturetan QR kodeak gehitzen dira, TBAI kodeak irakurri ahal izateko eta foru-ogasunetara modu egokian bidaltzeko. - API malgua eta integragarri erraza
Zure online dendan (esaterako, Woocommerce) edo fakturazio-sisteman erraz ezartzen da. Hala ere, laguntza behar izanez gero, inplementazioa Iametzako teknikariek egin dezakete ere. - EAEko hiru eskualdetan erabilgarri
Araba, Bizkaia eta Gipuzkoako ogasunekin erabili ahal izateko ziurtagiriak ditu.
Nola funtzionatzen du, urratsez urrats?
- Zure webgune edo ordainketa sisteman salmenta bat bideratzen da
- APIak dei bat egiten du fakturazio datuekin
- Faktura foru-ogasunetara bidaltzen da, TicketBAI protokoloa erabiliz
- TicketBAI-en faktura sinplifikatua sortzen da eta emailez bidaltzen da
- Beharko balitz, faktura bajan eman daiteke ere
API hau zure fakturazio sisteman integratu nahi baduzu, jar zaitez gurekin harremanetan.